Galdetu: Erantzungo dizugu - 18. galdera
18.- Joan den uztailean, udal honek, behin-behinekoz, Plangintzako Arau Subsidiarioak egokitzen eta berrikusten zituen dokumentua onartu zuen. Orain, dokumentua Aldundiak behin betiko onartu behar du. Dokumentua 17/199 Legeko babes publikoko etxebizitzen estandarrak betetzeko egokituta dago. Ondorioz, laugarren xedapen iragankorraren arabera (lege berriko 3.a), ez zaizkio aplikatuko ekainaren 30eko 2/2006 Legean ezarritako etxebizitzen estandarrak, aurreikusita dagoen sektore eta eremuetarako ordenazio xehakatuko plangintza egin gabe eta izapidetu gabe baitago oraindik, Arau Subsidiarioen egokitze- eta berrikuste-dokumentua behin betiko onartu gabe dagoelako. Hori horrela ote den azaltzea nahiko nuke.
Plangintza orokorrak hasierako onarpena badu eta 17/1994 Legea indarrean jarri baino lehen 17/1994 legera egokituta badago, laugarren Xedapen gehigarriari jarraiki, ez lizueke eragingo etxebizitza babestuen estandarrak automatikoki aplikatzeak. Alabaina, kontuan izan behar da egoera horrek ez duela betiko iraungo, eta agian praktikan gai honi aplikatu beharreko erregimena soilik argituko duela, eta plan berriko hurreko hirigintza-operazioetarako soilik; izan ere, kontuan hartu behar da:
- Eraikigarritasuna handitzea dakarten egitura-zehaztapenetako aldaketetan estandar berriak bete beharko direla (4.3. DA).
- Estandar berrietara egokitu beharko direla plan berrian proposatutako ordenazio xehakatuko planak eta hirigintza-jarduerako programak (4.4. DA), baldin eta 2006ko irailaren 20tik kontatzen hasita bi urtean (planak) edo 30 hilabetean (programak) gauzatu ez badira.
Azkenik, aipatzekoa da araudia berriro garatu arte estandar horiek erregimen orokorreko eta bereziko (4.4. DT) babes ofizialeko etxebizitzen oinarriaren arabera gauzatu direla. Horrek 17/1994 Legean aurreikusitako kategorietara lotuko ditu, udalak eraikitako erregimen bereziko eta orokorreko etxebizitza tasatuak izan ezik.
Itzuli