Galdetu: Erantzungo dizugu - 11. galdera
11.- Lurzoruaren lege berriaren IV. kapituluan, lurzoru urbanizaezinaren araubidea xedatzen da, bereziki, etxebizitzak egiteko eraikuntza berriei buruzkoa. Zer gertatuko da bizitegi-erabilera emango ez zaien landa-erabileretarako oin berriko eraikinekin (bordak, txabolak, ukuiluak, etab.); hau da, beharrezkoa izango al da 31. artikuluak etxebizitza berriei eskatzen dien lurralde historikoko nekazaritza departamentuaren txostena?
Lurzoru urbanizaezinean bordentzako, txabolentzako, ukuiluentzako eta abarrentzako (ohiko bizitegi izateko beharrezko izaerarik gabeak) landa-erabilerako lizentziak baimentzeko aukerari dagokionez, onartu egiten da erabilera hori (28.3 artikulua), landa-izaera duelako, ez duelako lurzoruaren hirigintza aldatzen eta ez delako hirigintza-helburuetarako erabiltzen. Erabilera onargarriak dira ?nekazaritza-ustiategiei lotutako eraikuntzak?, Lurralde-antolamenduaren gidalerroei jarraiki, baldin eta mendekotasun- eta neurri-harreman egokiak badituzte aprobetxamenduarekiko (8.5 F gidalerroa). Udal-plangintzek ere jasotzen dute, eskuarki, nekazaritza-erabilerekin lotutako aukera hori. Ulertzen da berariaz nekazaritzako, baratzezaintzako eta abeltzaintzako ustiategiei lotutako bizitegi-erabilerarako prestatuta dagoela 31. artikuluko prozedura, eta, horrenbestez, neurriz kanpokoa dela planteatzen den kasurako. Beraz, lizentzia beharko dutenez (207.1.b), 28.3 nahiz 28.4 artikuluetan arrazoitu daiteke lizentzia hori ematea, baita 2/2006 legearen 28.5.c) artikuluaren helburua (eta ez izaera literala) dirudien horretan ere; nekazaritzako legediari eta udal-plangintzari dagokie.
Itzuli