Galdetu: Erantzungo dizugu - 33. galdera
33.- Hirigintza-ordenantzan udalean izaera gogaikarriak, osasungaitzak, kaltegarriak edo arriskutsuak ez dituzten jarduerak (proiektu teknikorik behar ez dutenak) egiteko lizentziak baimentzeko izapidetza sinplifikatua arautu ahal izango litzateke?
Badirudi Zoruari eta Hirigintzari buruzko 2/2006 Legearen 207.5 artikuluan eta Ingurumena babesteko 3/1998 Lege Orokorraren 55.2 artikuluan ezarritakoaren artean kontraesana ageri dela. Ziurrenik ere, kontraesana horren oinarria ingurumenaren eta hirigintzaren jarduera-lizentzien izaera bikoitza da. Hirigintzaren ikuspuntutik, 2/2006 legean jasotako 207.5 artikuluaren bigarren idatz-zatian ezarritakoaren ariora, udal-ordenantzek izapidetza ezartzeaz gain, hori sinplifikatuko dute gogaikarriak, osasungaitzak, kaltegarriak eta arriskutsuak ez diren jarduerak egiteko helburuarekin. Zernahi gisaz, ingurumen-arauketa kontuan hartuta, ingurumen- eta osasun-arloan eragin eskasa izanik lizentzia (jarduera-lizentzia) eskuratzeko prozedura sinplifikatuaren xede izan daitezkeen jardueren lotura "arauz" zehaztuko da, aurretiaz ondore horretarako ezarri betekizunen betepenarekin. Horrenbestez, 2/2006 Legearen 207.5 artikuluaren bidea, hala denean, ingurumenean eta pertsonen osasunean eragin eskasa duten jarduerei begira soilik gaituko da, baldin eta hori ezartzeko proiektu teknikoa galdatzen ez bada.
Itzuli