Biolentziaren biktima diren emakumeentzako telefono bidezko arreta zerbitzua sortu da
Etxeko biolentzia eta eraso sexualak jasaten dituzten emakumeentzako telefono bidezko arreta zerbitzua sortu berri da Erkidegoan. Doaneko zerbitzua da, eta laguntza psikologikoa, informazioa eta orientazioa eskainiko die biktima diren eta egoera ahulean dauden emakumeei.
Zerbitzua Eusko Jaurlaritzak bultzatu du, eta biktima diren emakumeei laguntzeko tokiko sarearekin lankidetzan aritzeko asmoarekin sortu da. Eguneko 24 orduetan eskainiko du telefono bidezko arreta. Zerbitzu honen zereginetako bat da etxeko biolentziaren eta eraso sexualen biktima diren emakumeei laguntza emozionala, informazioa eta orientazioa ematea, hala eskatzen badute. Era berean, biktimei zuzendutako laguntza, babes eta arreta baliabideen sareko profesionalekin kolaboratuko du eta emakumeek eskainitako informazioaren tratamendu zorrotza egingo du, beraien egoera hobetzeko asmoz.
24 orduko telefono zenbakia 900 840 111 da.