Ostirala, 2008eko Abenduak 5
Galderak
3. galdera
- Hautesle-elkarteen sustatzailetzat hartu behar dira pertsonak elkartuz hautagai-zerrendak bultzatu edo sustatzen dituztenak eta dagozkien Hauteskunde Batzordeetan ordezkariak izendatzeko idatzian izaera horrekin ageri direnak.
- Hautesle-elkarte baten sustatzaile izaera paper-orri arruntetan egindako idatzi baten bidez ziurtatzen da, eta ez da gutxieneko sustatzaile kopururik behar.
- Hautesle-elkarteak hauteskunde-prozesu jakin baterako baino ez dira eratzen; beraz, zerrenda hauteskunde-prozesu bakoitzean aurkezteko, sinadura-bilketa egin behar da berriro. Halere, bilketa hori hauteskundeetarako deialdia egin aurretik abiatu ezin daitekeenez, hauteskunde-jarduerek balio izateko, hauteskunde-prozesuaren baitan egin behar dira.
- Hautesleen sinadurek babestu egiten dute elkarteen sorrera hautagai-zerrenda aurkezteko.
- Euren sinadurekin hautagai-zerrenda independente bat babesten duten hautesle guzti-guztien nortasuna Notarioak (akta bidez) edo Udalbatzaren Idazkariak egiaztatu behar dute, horiek emango baitute fede sinadurak benetakoak direla. Horretarako, sinatzaileek eurek agertu behar dute fede-emaile horien aurrean.
- Hautesle-elkarte batek proposatutako hautagai-zerrenda guztiak besteetatik independenteak dira eta horren eremuak dagokion hauteskunde barrutiarena izan behar du.
- Hautesle-elkartea Hauteskunde Administrazioaren aurrean aurkeztean eratuko da modu formalean, eta ez da elkarte gisa erregistratu behar.
- Aukerakoa da sinboloak eta siglak sartzea.
- Ez dago lehentasunezko eskubiderik hautesle-elkarteak eratzeko aurreko hauteskunde batzuetan hautesle-elkarte gisa hautagai-zerrendak aurkeztu zituztenen alde.
- Ez dago hautesle-elkarteen artean koaliziorik eratzerik, ezta horien eta alderdi politikoen artean ere.
- Ordezkaria eta sustatzailea hautesle-elkarteko hautagaiak izan daitezke, eta ez dago arazorik pertsona berak hiru izaerak izateko.
- HAOLOren 123.1 artikuluaren arabera, hautagaiek ez dute hauteskunde-administrari izaterik.
- Ez dago lege-eragozpenik hautagaiek euren sinadura eman dezaten elkarteak hauteskundeetan parte har dezan.
- Hautesleen sinadurak egiaztatuta dituzten dokumentuak hautagai-zerrendarekin batera aurkeztu behar dira, horiek aurkezteko epearen baitan, dagokion Eskualdeko Hauteskunde Batzordearen aurrean.
- Hautesle-elkarteen siglak eta sinboloak edo logotipoak ez emateak ez du galarazten hautagai-zerrenda jakinaraztea, baina identifikazio-elementu horiek hauteskunde-prozesuaren hurrengo faseetan ezin erabiltzea ekarriko du, boto-paperak egitea barne.
- Ez dago hautesle-elkarteen erregistro publikorik bertan erregistratuta horien izena edo sinboloa hirugarren batzuen aurrean babesteko.
- Hautagaiek ez dute halabeharrez udalerriko hauteskunde erroldan izena emanda egon behar. Izan ere, HAOLOren 6. artikuluaren arabera, orokorrean, adin nagusiko espainiarrak hauta daitezke, hautesle izaera badute; baldintza hori ez da hautagai-zerrenda aurkeztu den udalerrian bertan bete behar.
- HAOLOren 187.3 artikuluaren arabera, sinatzaileek udalerriko hauteskunde-erroldan izena emanda egon behar dute.
- Zuzentzeko modukoa da egiaztatu gabeko sinadurak aurkeztea eta legeak eskatutako kopurutik beherako sinadura-kopurua aurkeztea.
- HAOLOren 205. artikuluak independentetzat jotzen ditu auzitegi-barruti bakoitzeko hautagai-elkarteak; beraz, Probintzi Diputatuak izendatzeko, ezin daitezke batu barruti bereko udalerri ezberdinetan hautagai-zerrenda aurkeztu duten hautesle-elkarte ezberdinek lortutako botoak.
Ezin da auzitegi-barruti bati dagokion eremurako hautesle-elkarterik sortu, horien berezko esparrua, udal hauteskundeetan, udalerria baita.
Plaza del Ensanche, 5 - 1º. 48009 Bilbao