Sareak

Berdinsarearen helburua administrazio lokalek kudeatutako berdintasunaren aldeko eta emakumeen aurkako biolentziaren gaineko zerbitzu eta programak bultzatu, indartu, koordinatu eta ebaluatzea izango da.

UdalSarea 21 Iraunkortasunerako Euskal Udal Sarea da. Hiru lurralde historikoetako 66 udalerrik, Eusko Jaurlaritzaren Lurralde Antolamendu eta Ingurumen Sailak (IHOBE Sozietate Publikoaren bidez), Arabako, Bizkaiko eta Gipuzkoako foru-aldundiek eta EUDEL Euskal Udalen Elkarteak (EUDEL) osatzen dute.

1997ko martxoaren 3an sortu zen Europari Buruzko Informaziorako Euskal Sarea (EBIES). Euskal Autonomia Erkidegoarekin lotura duten Europako gaiak batzea eta erraztea da sare honen asmoa. Bi helburu ditu: batetik, Euskadiko hiritar eta entitateei informazio hori modu azkar eta osoan ematea. Eta bestetik, sarea osatzen duten erakundeen inguruko informazioa modu koordinatuan zabaltzea.

Alkarbide euskararen sustapena bultzatzen duten ekintzak koordinatzen dituen foroa da. Modu horretan, erakundeak Bizkaiko Lurralde Historikoko hainbat herrik euskararen inguruan dituzten zerbitzuen koordinazioa gainbegiratzen du.

InfoUdala Interneteko gunea. Bertan, landa guneetako euskal herri txikientzat lagungarri izan daitekeen informazioa jasotzen da. Horrela, egitura sinple baina eraginkor baten bidez, Udal txikiek beraien kudeaketa hobetu dezakete. Modu horretan, alde batetik, herri horietako ahaldunek izan ditzaketen beharrak asetzen dira, eta bestalde, elkarlanean egin daitezkeen beste hainbat ekimen bultzatzen dira IKTaren bidez.